2. Tembung kriya (kata kerja)
Tembung sing nerangake pegawean utawa solah bawa
Tuladha : mangan, nulis, tuku, dolan, mlaku, lungguh, lsp
3. Tembung kahanan (kata sifat)
Tembung sing nerangake kahanan, sipat, lan watak
Tuladha : sugih, ayu, panas, cedhak, sepi, luwe, lsp
4. Tembung wilangan (kata bilangan)
Tembung sing nerangake cacah utawa jumlahe barang lan pepangkatan
Tuladha : siji, sepuluh, selawe, seprapat, akeh, sithik, kabeh, lsp
5. Tembung sesulih (kata ganti)
Tembung sing dadi sesulih utawa gantine samubarang. Bisa sesulihe wong, kewan, barang utawa sing dianggep barang.
Tuladha : aku, kowe, dheweke, panjenengan, iki, kuwi, lsp
6. Tembung ancer-ancer (kata depan)
Tembung sing kanggo nggandheng utawa nyambung tembung kriya karo panggonan.
Tuladha : saka, menyang, ing, lsp
7. Tembung panggandheng (kata sambung)
Tembung sing nggandhengake tembung siji lan liyane utawa ukara siji lan sijine.
Tuladha : nalika, lan, karo, banjur, sarta, sabab, tuwin, ewadene, pramila, lsp
8. Tembung panyilah (kata sandang)
Tembung sing kanggo menehi sesilah utawa sandhangane tembung aran sing wis genah.
Tuladha : sang, si, para, lsp
9. Tembung katrangan (kata keterangan)
Tembung sing nerangake tembung aran, tembung kriya, lan tembung kahanan.
Tuladha : saiki, sesuk, awan, bengi, wingi sore, lsp
10. Tembung panguwuh (kata seru)
Tembung sing nerangake rasa pangrasa.
Tuladha : adhuh!, wah!, hore!, oh!, lho!, sip!, lsp
0 Comments